O primeiro que fixemos ao chegar, foi visitar unha conserveira. Ao entrar, todos os nenos e nenas tapaban o nariz, pero, pouco a pouco fómonos esquecendo do cheiro segundo nos amosaban o proceso de enlatado. Ao final non foi para tanto! E déronnos unhas latiñas de atún de agasallo.
De seguido, encamiñámonos a Faro Vilán. Alí, recibiunos a primeira muller fareira de España. Contounos un montón de contos e anécdotas que nos interesaron moito. Incluso nos sorprendeu un trasno que se adica a visitar de vez en cando os faros da Costa da Morte.
A continuación visitamos a lonxa. A patrona maior amosounos peixes e explicounos a maneira de puxar.
Para abrir o apetito, demos un paseo polo muelle e o porto. No Clube Náutico recibíronnos con moito agarimo a hora de comer.
Despois disto, fixemos un percorrido en autobús ata Muxía e, de novo , Lourdes colleu o micrófono: "Ahí tedes unha igrexa románica do século XII, e ahí....un castelo que pertencía...."Canto aprendemos! Aínda que, de cando en vez, oíamos: "Un pouquiño de silencio ...."
Xa de volta, dirixímonos a Camelle, onde a maioría de nenos e nenas gardan un recordo especial. Alí visitamos a casa de Manfred, o alemán de Camelle, Tamén estivemos no museo que se lle adicou, de recente construcción. Impresionounos moito a súa historia e animámosvos a facer unha visita.
Por último, visitamos o Castelo de Vimianzo, onde nos contaron historias asombrosas dese lugar.
Xa de volta, cantamos moito....pero víñamos moi cansados. Tanto...que nos durmimos todos.
Que sorte, que superexcursión!!
ResponderEliminar